Anisan’ny fepetra manan-danja ho an’ny fandrosoan’ny Firenena rehetra eran-tany ny filaminana, satria raha tsy eo ny filaminana dia tsy misy fandrosoana. Tsy maningana akory ny Malagasy fa na ireo Ntaolo razantsika aza mba efa nitsimbina mandrakariva ny filaminan’ny fiaraha-monina, saingy isika mianakavy mihitsy no azo lazaina ho tsy mandinika sy manao an-ditra matetika. Ny fianana tokoa manko dia tsy ilaozan’ny fifanolanana ka izay no nivoahan’ny hoe : Ny isavorovoroan-kilantoana.
Tsy mety hilanto ho azy ny savorovoro fa
tsy maintsy misy finiavan’ny singa rehetra ao anatin’ny fiaraha-monina
handamina izany. Fepetra voalohany tokony ampiharina ny fahatsapana ny
hadisoan’ny tena:
Izay tsy miady olom-bodo
fa izay to fo mpamosavy.
Heverin’ny Ntaolo fa lalana maintsy lalovana ny fifandirana, kanefa ny minia mampitarazoka izany dia nosokajiana ho “ilay ratsy indrindra ” ao Misy fiandohany ary misy fiafarany mandrakariva ny toe-javatra anankiray. Heverin’ny Ntaolo fa lalana tsy anatin’ny fiaraha-monina ary nolazainy fa: Faly am-panaovan-dratsy toa mpamosavy.
Ny korontana sy ny savorovoro dia mazava loatra fa tsy mampirindra ny fiainana amin’ny ankapobeny mihitsy. Tsy mijanona eo amin’ireo mifanditra tsinona ny akon’ny korontana fa miantraika amin’ny besinimaro. Matetika aza dia ireo tsy manan-tsiny no mibaby ny vokatry ny di-dohan’ny ngeza sy ny vaventy mifampila kisa ka tonga amin’ilay fitenenana hoe: Mikorontana foana ny sahafa sy ny fanoto fa ny vary ihany no voatorotoro.
Raha ny
zava-mitranga eto Madagasikara efa ho folo taona izay dia tena
mampivarahontsana mihitsy ny vokatry ny tsy filaminana ara-politika satria
mampisara-bazana ny Malagasy tsy vaky volo, mitondra fahantrana ho an’ny Firenena
sy ny mponina ao aminy ary indrindra mitarika tsy fandriampahalemana eo
anivon’ny fiaraha-monina.
Heverina fa tena fotoana tokony
itodihantsika any amin’ny fahendren-drazana izao koa samia àry miezaka mba
hampitony ny adilahy politika.
Ataovy toy ny fikajiana ny lamba ny fikajiana ny filaminana: raha vao rehareha, raha madio voninahitra, raha tonta adidinao ary raha rovitra andraikitrao tompony.
"METEZA HO OLOM-PIRENENA VANONA. Mpanantontosa: Ramasinirina