Tompo ô ! Mafisa fo,
Ka aza omena valiny aho
Na nangataka aza anio !
Fa iangaviako Ianao !
Omeo ho an’ny rahalahiko,
Ary ho azy manontolo,
Izay fangatako isan-andro !
Omeo ho an’ireo mahantra
Izay fitakiko androany.
Omeo ho an’ny maro anaka
Ny sakafo anio tontoloko.
Omeo ho an’ireo sahirana
Izay anjara tsikitsikiko,
Omeo ho an’ireo voazioga,
Ny fahafahako anio.
Avela aho mba hangatsiaka,
Avela aho mba hitofezaka,
Avela aho mba hitomany
Avela aho mba ho voageja
Na anio fotsiny aza !
Sao izay no hanamaivana
Ny am-paham-pahoriana
Entiny mandava taona…
Sy ny masoandro takona
Lolohaviny isan-andro,
Sady koa mba hamantarako
Ny fitiavan-tena disoko,
Fa ny ho ahy hatrany hatrany
No efa niadiako fo,
Rehefa mba mivavaka aho,
Ka hadinoko ny hafa,
Koa italahoako Ianao :
Adinoy aho anio!