Mba hatraiza moa, ry Dada, ny fitiavako anao,

Ny halalin’ny finoako ny hakadirin’ny herinao ?
Ny tsangananao mitory izay herim-piniavana,
Ny fijerinao mitsilo... toy ny jirom-pitiavana !
Tiako ianao... toa fitia taratr’andro an-kamory,
Ka mandrendrika ny foko tsy hanahy, ho reno-tory.
Tiako ianao … toa fitia ny lalàna ankiray
Hamelomako ilay Afo mba hiredareda indray!
Tiako ianao, ankamamiako, toy ny tsiaroko fahiny...
Ireo tahiriko rehetra izay navalon’ny taloha :
Ny hazazàko, ny finoako, ny fifaliako ankehitriny,
Ny fahosàko rehetra rehetra izay miverina ao an-doha,
Ary sitrako indrindra...ianao no mbola ho ahy
Rahatrizay ka vovoka aho ary hiverina ho fanahy !

Clarisse Ratsifandrihamanana